سواق تاكسي بيحكي عن حال مصر وقال :
الحكاية وما فيها يا باشا , ان مصر عاملة زي العربية الزيرو
كان سايقها مبارك وكان ماشي على 50 كم / ساعة , والعربيات التانية تعدي من جانبه زي الصواريخ ,
كوريا 130 كم / ساعة
ماليزيا 104 كم / ساعة
البرازيل - الولايات المتحدة - اليابان - الهند - تركيا - الصين .........
وكل ما حد يقول له امشي شوية - دوس بنزين - يقوم يرميه من العربية في وسط الطريق -
واللي زاد الطينة بله , الواد جمال عملال يلعب في الفتيس والكلاكس والفرامل ...,
المهم قومنا احنا نزلنا مبارك - وركب عمنا مرسي
وبعيد عنك عمنا مرسي ده , مش عارف مكان الكونتاكت ولا البنزين ولا حتى ..... والناس تقول له - انزل - يقول انا معايا رخصة !!
يا عم انزل مش عارف تسوق - يقول انا معايا رخصة - ومركب معاه عيلته , وعمالين يلعبوا في الشبابيك والاكر ويقطعوا في فرش العربية
قاموا عدوا على لجنة فيها " السيسي " ..... شاف حال العربية - صعبت عليه
قام منزل عمك مرسي ومنزل اللي معاه - ونده على راجل غلبان - اسمه " عدلي منصور "
واداله المفتاح وعمله رخصة مؤقته لحد ما الركاب يختاروا سواق تاني يسوق العربية
تصنيف :
لمحة سياسية
0 التعليقات:
إرسال تعليق